Qırımda koronavirusqa qarşı "Sputnik V" Rusiye aşısınen 6152 adam aşılandı. Bunı yanvarnıñ 26-nda Qırımnıñ Rusiye ükümetiniñ baş nazir muavini Yelena Romanovskaya Rusiye nezaretinde olğan Qırımnıñ Nazirler Şurasınıñ toplaşuvında bildirdi.
“Yanvarnıñ 26 itibarınen, Qırımğa berilgen 8 biñ vaktsinanen 6152 adam aşılandı, olarda 257 tekrar aşılandı. Yaqın künlerde daa 7200 vaktsiyana dozasını bekleymiz”, – dedi o.
Romanovskayanıñ bildirgenine köre, 10 biñ Qırım sakini aşılanmağa istegenini bildirgen.
Kreml kontrolindeki Qırım sağlıq nazirligi qırımlılarğa COVID-19-dan "Sputnik V" Rusiye aşısınen aşılanmaq içün poliklinikalarğa muracaat etmege teklif etti.
Qırımnıñ Rusiye ükümetiniñ baş nazir muavini Yelena Romanovskaya, koronavirusqa qarşı rus vaktsinanen aşılanması tevsiye etilmegen insanlar kategoriyasını adlandırdı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
