Link açıqlığı

Saatnıñ esas haberi

Qırımnıñ başlıqları, kimge COVID-19 aşısı tevsiye etilmegenini aytıp berdiler


Qırımnıñ Rusiye ükümetiniñ baş nazir muavini Yelena Romanovskaya, koronavirusqa qarşı rus vaktsinanen aşılanması tevsiye etilmegen insanlar kategoriyasını adlandırdı.

Onıñ aytqanına köre, autoimmunitet sisteması hastalıqları olmağan 18 yaştan büyük vatandaşlar aşılana bile.

“Emizdirgen ve yüklü qadırlarğa aşılanma tevsiye etilmey”, – qayd etti Romanovskaya.

O, 55 yaştan büyük ve sürekli hastalıqları olğan sakinlerni “ilk nevbette aşılanmağa davet eteler”, dep qayd etti. Onıñ sözlerine köre, “vaktsina telükesiz ve teşkerilgen”, amma er bir insan "farqlıdır”.

“Bir kimse aşılanğanını duymaz bile, bir kimse alsızlıq duya bilir. Bütün alâmetler aşılanğan kişiniñ kündeligine yazılmalı. Aynı alâmetler gripke qarşı vaktsinatsiya ile ola bile”, – dep inandıra Romanovskaya.

Hatırlatamız, bıltır dekabr ayında Qırımnıñ Rusiye yolbaşçısı Sergey Aksenov yarımadada koronavirus yuqunçından kütleviy şekilde aşı yapmağa başlaylar, ilk olaraq tibbiyet hadimleri aşı alacaq, dep bildirgen edi.

Bazı memleketlerniñ Rusiye aşısınıñ keyfiyeti ve tedqiqat doğrulığı şübhe doğura. Meselâ, Türkiye Rusiye aşısını almaqtan vazgeçti.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG