Ukraina institutı baş müdiriniñ muavini Alim Aliyev Kyivde Qırımlı siyasiy mabüslerge destek içün "Qırım, saba saat 5" adlı halqara leyha başlatılğanını bildirdi.
"Qara quvetlerniñ er kesniñ daa yuqlağan evine kele bilecek, ortalıqnı ast-üst etip baba, oğul ya da aqynı apishanege alıp ketecek zamandır. "Qırım, saba saat 5" - meşur ve nufuzlı insanlarnıñ iştiragi ile vesiqalı performans ve malümat kampaniyasıdır. Leyhanınh maqsadı, siyasiy mabüslerniñ meselesine ve Qırımda vatandaş jurnalistleriniñ taqibine diqqatnı daa ziyade celp etmekter" dedi Aliyev.
Onıñ sözlerine köre, psanıñ dünya premyerası noyabr ayında Kyivde olacaq.
Qırımlı siyasiy mabüslerniñ azat etilüv meselesi tamamınen toqtatılğan. Putin ile vastasız aytışuvlar kerek –Zelenskıy.
Qırımnıñ Rusiye başı Sergey Aksönov Qırımda «kesen-kes» siyasiy mabüsler yoq, dep bildirdi.
Ukraina Tış işler naziri Dmıtro Kuleba sentâbrniñ 6-nda Ukrainanı ziyaret etken Amerika kongressmenlerine Qırımda keçirilgen yañı tintüv ve tutuvlar aqqında tarif etip, olarnı yarımadada basqılarnı toqtatmaq maqsadınen Kremlge qarşı basqı quvetleştirüvde yardım etmelerine çağırdı.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
