«Qırım platforması» Qırımnıñ qanunsız ilhaqınıñ tanımaması kontekstinde emiyetlidir. Bunıñ aqqında Litvaniya prezidenti Gitanas Nauseda Azatlıq Radiosana bildirdi.
«Biz Ukrainanıñ suverenitetini ve topraq bütünligini qorumağa yardım etecekmiz. Menimce, Qırımnıñ qanunsız ilhaqınıñ tanımamasınıñ devam etmesi köntekstinde Qırım platforması pek emiyetlidir. Bugünde iç bir vaqıt olmağanı kibi Ukrainanıñ halqara toplulığınıñ destegi ve yardımına ihtiyacı bar. Bu sebepten men Qırım platformasında iştirak etecegim, çünki menim fikrimce bu meseleniñ halqara kün tertibinde daima olmasına büyük ihtiyac bar», – dedi Litvaniya prezidenti.
Avgustnıñ 23-nde Kyivde keçirilecek «Qırım platforması» sammitinde Amerika Birleşken Devletleriniñ temsilcisi Energetika naziri Jennifer Granholm olacaq.
Ukraina TİN Dmıtro Kuleba avgustnıñ 23-nde Kyivde keçirilecek «Qırım platforması» sammiti iştirakçileriniñ tolu cedvelini ilân etti.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.
Avgustnıñ 12-nde Kreml kontrolindeki Qırım Nazirler şurasınıñ reis muavini, Rusiye prezidenti yanındaki Qırım vekili Georgiy Muradov «Qırım platformasınıñ» iştirakçilerini «ağır aqibetler» bekley, dep bildirdi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.
