Link açıqlığı

Saatnıñ esas haberi

Qırım Kurort Nazirligi: yerli akimiyet, furtuna vaqtında plâjlarda ihtiyat tedbirlerini quvetleştirmeli


Yaltada furtuna, 2019 senesi, sentâbr
Yaltada furtuna, 2019 senesi, sentâbr

Rusiyeli Qırım kurortlar ve turizm Nazirligi, yalı çetindeki şeerlerniñ akimiyetlerini, furtuna vaqtında plâjlarda ihtiyat tedbirlerini quvetleştirmege buyurdı.

Müessisede bildirgenleri kibi, yerli memuriyetler ve plâjlarnıñ kiracıları, közetüv qullelerinde qurtarıcı matroslarnıñ nevbetçiligini teşkil etmeli, direklerde vaqtında qızıl bayraqnı asmalı ve, bundan ğayrı, plâjğa kelgenlerni yuvunmaq yasağından haberdar etmeli em bu malümatnı plâjlarda yerleştirmeli.

Müessise, furtuna suvdan çıqarğan çöplükni cıyıştırmaq kerek olğanını da hatirlattı.

Qırımda havflı ava şaraiti aqqında ihtarnı sentâbr 16-sına qadar uzattılar.

Keçken raatlıq künlerden berli Qırımda qaynağan furtuna içün, qurtarıcılar, er kün adamlar suvda boğulıp batqanı aqqında haber ete.

XS
SM
MD
LG