Link açıqlığı

Saatnıñ esas haberi

Poroşenkodan qırımtatar milliy areketiniñ veteranı Nuriye Biyazovanı ölümden soñ mukâfatlamasını rica eteler


Nuriye Biyazova, arhiv fotoresimi
Nuriye Biyazova, arhiv fotoresimi

«Serbest Qırım» cemaat areketiniñ faalleri mayısnıñ 2-nde Ukraina prezidenti Petro Poroşenkoğa muracaat etip, qırımtatar milliy areketiniñ veteranı Nuriye Biyazovanı ölümden soñ rağbetlemesini rica ettiler. Bu aqta Qırım.Aqiqat mühbiri bildire.

«Mayısnıñ 20-nde meşur faal Nuriye apte Biyazovanıñ yılı olacaq, mayısnıñ 18-nde ise qırımtatar halqı sürgünliginiñ 75 yılı tola, şu sebepten faalniñ demokratik qıymetlerni, söz serbestligi ve vatandaş jurnalistikasınıñ inkişaf işinde yüksek ğalebelerine emiyet berip, Petro Poroşenkoğa oña ölümden soñ devlet mukâfatını bermesini rica ettik», – dep tarif etti «Serbest Qırım» areketiniñ faali Reşad Memetov Qırım.Aqiqat mühbirine.

«Serbest Qırım» cemaat areketi faalleriniñ Ukraina prezidentine mektübi
«Serbest Qırım» cemaat areketi faalleriniñ Ukraina prezidentine mektübi

2018 senesi mayısnıñ 20-nde Qırımnıñ Qarasuvbazar şeerinde 90 yaşına kelgen qırımtatar milliy areketiniñ veteranı Nuriye apte Biyazova vefat etti. Ukraina prezidenti Petro Poroşenko onı añdı.

2018 senesi baarde Nuriye Biyazova qırımtatarlarnıñ 1944 senesindeki sürgünine bağışlanğan «Akis» («Otrajeniye» – QA) adlı avtobiografik kitap bastırğan edi.

«Отражение» – книга пережившей депортацию из Крыма (видео)
Bekleñiz, lütfen

No media source currently available

0:00 0:02:20 0:00

Nuriye Biyazova 1928 senesi fevaralniñ 21-nde Bağçasarayda dünyağa kele. 1944 senesi mayısnıñ 18-nde Özbekistanğa sürgün etile ve anda ana-babasınen eki aptesini defin ete. 1989 senesi Qırımğa qaytqan soñ, şu arada qırımtatar milliy areketinin faal iştirakçilerinden biri ola.

XS
SM
MD
LG