Qırımnıñ Qarasuvbazar şeerinde 90 yaşına kelgen qırımtatar milliy areketiniñ veteranı Nuriye apte Biyazova vefat etti dep bildire Qırım.Aqiqatqa Qırım insan aqları kontakt gruppasınıñ koordinatorı Abdureşit Cepparov.
«Bugün bizler qara haber aldıq – Nuriye Biyazova vefat etken. Biz Qırımğa endi qaytqan vaqıtlarda, o qırımtatar milliy areketiniñ eñ faal iştirakçilerinden biri olğan edi. Biz onıñ Qarasuvbazardaki evinde pek sıq toplaşa, o materiallar derc ettire, maqalaler yaza edi. Milliy areket içün pek büyük iş yapa edi» – dep ikâye etti uquimayecisi.
Bu yıl baarde Nuriye Biyazova qırımtatarlarnıñ 1944 senesindeki sürgünine bağışlanğan «Akis» adlı avtobiografik kitap bastırğan edi.
Nuriye Biyazova 1928 senesi fevaralniñ 21-nde Bağçasarayda dünyağa kele. 10944 senesi mayısnıñ 18-nde Özbekistanğa sürgün etile ve anda ana-babasınen eki aptesini defin ete. 1989 senesi Qırımğa qaytqan soñ, şu arada qırımtatar milliy areketinin faal iştirakçilerinden biri ola.
