Advokat Nikolay Polozovnıñ haber etkenine köre, Qırımda Bağçasaray rayon iç işler bölügi Rusiye nezaretinde olğan Ermeni Bazar şeer mahkemesine Qırımda ğıyabiy şekilde mahkeme etilgen qırımtatar halqınıñ milliy lideri Mustafa Cemilevniñ davası boyunca silânıñ diqqatsız saqlap tutmasına dair «isbatlar» olmağanını bildirgen.
«Eñ şaşırtıcı şu ki, siyalınıñ diqqatsız saqlap tutmasına davasında ağır neticelerniñ ve qanunsız sürette arbiy yedeklersaqlap tutuvı aqqında qabaatnıñ sebebi olğan esas eşyaviy deliller yoq oldı. Karabin Simonova, 4 patron ve gilza yoq oldılar. Belles bu endi çoqtan oldı. Evel 2015 senesi Krasnodar ülke mahkemesi Mustafa Cemilevniñ oğrula qarşı çıqarğan ükümge köre bu eşyaviy delillernin aqdiri çoqtan bklgilengen edi. Karabin, patronlar ve gilza Qırım boyunca İİN-ne berilgen edi. Amma, mahkemeniñ talabına Bağçasaray rayon iç işler bölüginde maddelerniñ olmağanı aqqında cevap keldi», – dep yazdı Polozov Facebook saifesinde.
Advokatnınqnıñ qayd etkenine köre, davanıñ tezden yekünlenmesine baqmadan, Rusiye mahkemesi Qırımnıñ sabıq İç işler naziri Sergey Abisov ve sıñırcı Konovalovnı alâ daa sorğuğa çekmegen.
«Evel, 2014 snesi Konovalov Mustafa Cemilev sıñırdan keçmegenini bildirgen edi, çünki Konovalov ve diler sıñırcı onı keçirmegen ediler. Mına bunı sorğu vaqıtnda tafsilâtlıca ögrenmege ister edim», – dep yazdı advokat.
Rusiye kontrolindeki Ermeni Bazar şeer mahkemesinde Qırımda ğıyabiy şekilde mahkeme etilgen qırımtatar halqınıñ milliy lideri Mustafa Cemilevniñ davası boyunca oturışuvda avgustnıñ 27-nde qabaatlav toplağan deliller baqılacaq edi, faqat olarnı mahkemege bermediler, dep bildirdi Cemilevniñ advokatı Nikolay Polozov.
Avgustnıñ 5-nde mahkeme Qırımnıñ Rusiye iç işler nazirliginiñ sabıq yolbaşçısı Sergey Abisovnı (2014-2018) Qırımda ğıyabiy şekilde mahküm etilgen qırımtatar halqınıñ milliy lideri Mustafa Cemilevniñ davası boyunca sorğuğa çekmek içün tekrar celpname yollaycaq ola, dep bildirdi.
Qırımdaki Rusiye Tahqiqat komitetiniñ idaresi 2020 senesi aprelniñ 13-nde Mustafa Cemilevniñ qabaatlavını Rusiye Ceza kodeksiniñ üç maddesine istinaden aydınlattı: «Rusiyege kirişi yasaqlanğan çetel vatandaşınıñ bir gruppa insanlarnen evelden añlaşıp, Rusiye devlet sıñırını keçüv (Rusiye CK 322-nci maddesiniñ 3-ünci qısmı); nariye silâsını diqqatsız saqlav, onıñ başqa insan tarafından qullanılması ve ağır aqibetlerge yol açması (Rusiye CK 224-ünci maddesi); silânı qanunsız alıp saqlav (Rusiye CK 222-nci maddesiniñ 1-inci qısmı)».
Qırımtatar halqınıñ milliy lideri Mustafa Cemilevniñ davası boyunca martnıñ 5-nde olıp keçken mahkeme oturışuvında imaye tarafı dava malümatlarında bozuvlarnı qayd etti. Advokat Nikolay Polozovnıñ bildirgenine köre, bozuvlar tahqiqatçı azırlağan malümatnen bağlı edi.
Mahkeme oturışuvında belli olğanına köre, Cemilevniñ Qırımğa kiriş yasağı 15 yılğa – 2034 senesi martnıñ 5-ne qadar uzatıldı.
Mustafa Cemilev
Mustafa Cemilev – qırımtatar milliy areketiniñ lideri, dissident, Qırımtatar Milliy Meclisiniñ reisi (1991 senesinden 2013 senesine qadar). Repressiyalarğa oğratılğan edi, 15 yıl sovet apishanelerinde yattı. 303 kün devamında Omsk apishanesinde açlıq tuttı. Rusiye akademiki, dissident Andrey Saharov Cemilevge qol tutıp, BM baş kâtibine mektüp yazdı.
Mustafa Cemilev 1991 senesi Qırımğa qaytıp oldı.
III-IX çağırılış Ukraina Yuqarı Radasınıñ halq deputatı ola.
Cemilev – Türkiyedeki Selçuk universitetiniñ uquq fahriy doktorı, «Ukrain cemiyetiniñ demokratizatsiyası içün» Orlık halqara mukâfatınıñ laureatı ola. Nansen medali (BM), V ve IV seviyeli Yaroslav Mudrıy knâziniñ nişanınen taqdirlengen edi.
2014 senesi Rusiyeniñ Qırım işğaline qarşı çıqtı. Rusiye oña qarşı bir qaç cinaiy dava açtı. 2016 senesi Cemilevniñ namzeti Saharov mukâfatına kösterildi.
