NV neşri «Qırım muarririyeti» - Qırım jurnalistleri, uquq qoruyıcıları, cemaat erbapları ile beraber Qırımnıñ işğalden azat etilüvine bağışlanğan mecmuanıñ mahsus sanını çıqardı.
NV mecmuanıñ yañı sanı Ukraina ükümetiniñ yarımadanıñ işğalden azat etilmesi ve reintegratsiyası içün tetbiq etmek kerek olğan yol haritası, aletler ve çezüvlerden ibaret. Mahsus san türlü medialarnı temsil etken Qırımdan jurnalistler, fotgraflar, muarrirler gruppası tarafından azırlanğan.
Qırım.Aqiqat bu mahsus sannıñ azırlanuvında iştirak etti.
NV mecmuasınıñ mahsus sanı Qırım platforması arfesinde ukrain ve ingliz tillerinde azırlandı ve sammit iştirakçileri arasında tarqatılacaq.
Ukraina TİN Dmıtro Kuleba avgustnıñ 23-nde Kyivde keçirilecek «Qırım platforması» sammiti iştirakçileriniñ tolu cedveliniilân etti.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.
Avgustnıñ 12-nde Kreml kontrolindeki Qırım Nazirler şurasınıñ reis muavini, Rusiye prezidenti yanındaki Qırım vekili Georgiy Muradov «Qırım platformasınıñ» iştirakçilerini «ağır aqibetler» bekley, dep bildirdi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.
