Link açıqlığı

Saatnıñ esas haberi

Qırımda açlıq tutqan Volodımır Baluh bütün dünyadan sıq-sıq mektüpler ala – Çiygöz


Volodımır Baluh
Volodımır Baluh

Qırımda açlıq tutqan ukrain faaliyetçisi Volodımır Baluh bütün dünyadan sıq-sıq mektüpler ala. Bunıñ aqqında iyülniñ 30-ına qırımtatar milliy Meclis reis muavini Ahtem Çiygöz Qırım.Aqiqatqa habet etti.

“Oña pek çoq mektüp kele. O soñki etaptan qaytqanda, onı endi bayağı mektüp bekledi. Finlandiya, İsviçre (Şveytsariya), Avstriya, İsrailden. Ukrainadan da çoq”, - dedi Çiygöz. İlhaq etilgen Qırımnıñ sakinleri de yazğanını belgiledi.

Çiygözniñ aytqanına köre, açlıqnı tutqan faaliyetçi memleket ve dünyada olıp keçken vaqialar aqqında yeterli malümat ala.

Kremlniñ kontroli altında olğan Aqşeyh (Razdolnoye) rayon mahkemesi ukrain faaliyetçisi Volodımır Baluhnı 5 yılğa umumiy rejimli koloniyağa ve 10 biñ ruble (qararnen 4 biñ hrivna) cöremege mahküm etti.

Baluh soñ sözünde cinayet işiniñ siyasiy sebebi olğanını qayd etti.​

Baluh 2018 senesi martnıñ 19-ına başlağan açlıqnı devam etmekte.

Rusiye FSBsi Volodımır Baluhnı 2016 senesi dekabr 8-de yaqaladı. FSB hadimleri Volodımır Baluh yaşağan evniñ tavanında 90 patron ile bir qaç trotil şaşkasını taptılar, dep iddia ete ediler.

Baluhnıñ imayesi ve aq-uquq qorçalayıcıları, onıñ Ukraina vatanperveri olğanı sebebinden – eviniñ azbarında Ukraina bayrağı olğanı içün repressiyalar qurbanı olğanını iddia eteler.

Mart 28-de Ukraina ve AQŞ Tış işleri nazirligi Baluhnıñ deral azat etilmesini talap etti.

XS
SM
MD
LG