Link açıqlığı

Saatnıñ esas haberi

Rostovda mahkeme Yaltadaki «Hizb ut-Tahrir işi»niñ baqılmasını devam etmek niyetinde


Rusiyeniñ Şimaliy Kavkaz arbiy okrugı mahkemesi Yaltadaki «Hizb ut-Tahrir» işi boyunca oturışuvını fevral 20-de devam ettirmek niyetinde.

Fevralniñ 20-sinde advokat Emil Kurbedinovnıñ bildirgenine köre, mahkeme oturışuvınıñ esnasında qabaatlav tarafınıñ esas şaatlarındn biri olğan Ukraina havfsızlıq hizmetiniñ sabıq memurı ve al-azırda Rusiye FSBsiniñ hadimi Aleksandr Kompanaiyetsniñ sorğulaması devam ettirilecek.

Advokatnıñ aytqanına köre, bu «iş»niñ figurantlarını qorçalağanlardan bir qısmı, Aqmescitte (Qırım garnizonı arbiy mahkemesinde) qalıp, Rostov-na-Donu ile videoalâqada bulunacaq.

Fevralniñ 15-nde Yaltadaki «Hizb ut-Tahrir işi»niñ oturışuvında qabaatlav tarafınıñ şaatı olğan FSB hadimi Aleksandr Kompaniyetsniñ sorğulanması başlandı.

2016 senesiniñ fevral-aprel aylarında Yaltada Arsen Cepparov, Refat Alimov, Emir-Useyin Kuku, Muslim Aliyev, İnver Bekirov ve Vadim Siruk yaqalandı. Olarnı Rusiyede yasaq etilgen «Hizb ut-Tahrir» İslâmiy siyasiya teşkilâtına alâqadar olğanlarında qabaatlaylar.

«Hizb ut-Tahrir işi» boyunca tevqif ve mahküm etilgen Qırım sakinleriniñ advokatları, olarnıñ taqip etilüvi din alâmetine köre yapıla, dep sayalar. Advokat Emil Kurbedinov, Rusiye uquqqoruyıcı organları tarafından bu iş boyunca esas olaraq qırımtatarlar taqip etilip, olarnen birlikte İslâm dinini kütken ukrainler, ruslar, tacikler, azerbaycanlar ve diger etnik gruplarğa ait Qırım sakinleriniñ de taqip etilgenlerini qayd ete.

Halqara siyasiy İslâm teşkilâtı «Hizb ut-Tahrir»niñ vekilleri öz vazifesini, bütün musulman devletlerini bir İslam hilâfeti içinde birleştirüvde köreler. Lâkin olar buña irişmek içün terroristik usullarınıñ qullanıluvını red ete ve Rusiyede aqsız yerde taqip etilgenlerini aytalar. Rusiyeniñ Yuqarı mahkemesi 2003 senesinde «Hizb ut-Tahrir»ni «terroristik» olaraq tanılğan 15 birleşmeniñ cedveline kirsetip, yasaq etti.

XS
SM
MD
LG