Ukraina prezidenti Petro Poroşenko, «medeniy dünya iç bir vaqıt Qırımnıñ Rusiye tarafından ilhaqını tanımaz», dep bildirdi. Bunı o, Twitterdeki öz saifesinde yazdı.
«Qırımda bugünki vaziyet yalıñız ukrainler, qırımtatarlar ve yarımadada yaşağan diger milletlerniñ ağrısı degil… Olsun sımarışçı, teşkilâtçı ya da becergenler – işğalciler cinayetler ve repressiyalar içün cevapkârlıqtan qaçınmazlar», – dep yazdı.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar tatbiq etti. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
