Link açıqlığı

УUkraina BMT Telükesizlik şurasında Qırımda insan aqları saasındaki vaziyet meselesinde konsolidatsiya yolunı sayladı – Yelçenko


Ukrainanıñ BMTdeki daimiy temsilcisi Volodımır Yelçenko

Ukrainanıñ BMTdeki daimiy temsilcisi Volodımır Yelçenko «Yevropeyska pravda» içün bergen intervyude, Ukrainanıñ Qırımda insan aqları saasındaki vaziyet meselesinde BMT Telükesizlik şurası vekilleriniñ ğayretlerini birleştirüv ve pekitüv yolunı saylağanını bildirdi.

Onıñ aytqanına köre, bu «öz başına Qırımnıñ statusı meselesini çezmez ve onı qaytarmaz, lâkin bunıñ içün, atta BMTde bile, diger formatlar ve meydançıqlar bar».

Yelçenko: «Bu em altıncı uquqiy komitet, em de BMT Halqara mahkemesidir: baqayıq, açqan davamız boyunca nasıl qarar alınacaq ve, oña esaslanıp, daa ciddiy meselelerge – misal içün, Qırımnıñ statusı meselesine keçe bilirmiz», – dedi.

Buña ilâve olaraq o, Telükesizlik şurasında «Rusiyeniñ vetosı er zaman olacaq», dedi, lâkin Ukrainanıñ BMTdeki daimiy temsilcisiniñ fikrine köre, «kelişken bir vaqıt tapıp, Baş Assambleyanı celp etmek mümkün olur».

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG