Link açıqlığı

Qırım aq-uquq qorçalayıcıları Noel arfesinde siyasiy mabüsler ve faaliyetçilerge qol tuttılar


Qırım aq-uquq qorçalayıcıları grubu

Qırım aq-uquq qorçalayıcıları grubu siyasiy mabüsler, mecburen köçken şahıslar ve cemiyet faaliyetçileri ile birdemlik sözlerini ifade etti. Noel bayramınıñ arfesinde yapılğan beyanat yanvarniñ 6-sında aq-uquq qorçalayıcıları grubunıñ Facebooktaki saifesinde derc etildi.

Aq-uquq qorçalayıcılarınıñ beyanatında: «Biz, siyasiy mabüslerniñ azat etilüvi içün küreşmege devam etken qorantaları ve bunıñ kibi de taqiplerge rağmen zorbalıqsız muqavemet kösterüv ve Qırımda insan aqları oğrunda küreşüvni devam etken cemiyet faaliyetçileri ile birdemlikni ifade etemiz», – denile.

Aq-uquq qorçalayıcıları: «Ümüt ete ve fikirdeşlerimiz ile, vatandaş cemiyeti, Ukraina devleti ve dünya topluluğınıñ gayretleri qanunsız tintüvler ve tevqiflerni toqtatmağa, siyasiy mabüslerni azat etmege, Rusiye ordusına qanunsız çağırıluvnı toqtatmağa, Qırımda bizim vatandaşlarımıznıñ bozulğan aqlarını tiklemege yardım etmeleri içün qolumızdan kelgenini yapmağa devam etemiz», – dep qayd ettiler.

Bunıñ arfesinde Qırımtatar Milliy Meclisiniñ reisi Refat Çubarov, ilhaq etilgen Qırımda apishanelerde tutulğan siyasiy mabüslerniñ 60 kişiden ziyade olğanını bildirdi.

Qırım Rusiye tarafından ilhaq etilgen soñ yarımadada FSB muntazam surette mustaqil jurnalistler, qırımtatar faaliyetçileri, muhalefet ve Ukraina tarafını tutqan cemiyet erbapları ve diniy azlıqlar vekilleriniñ yaqalanuvları, tintüvleri ve sorğulamalarını yapa. Aq-uquq qorçalayıcıları Rusiye telükesizlik hadimleriniñ bu areketlerine siyasiy maqsatlı areketler deyler.

XS
SM
MD
LG