Link açıqlığı

Saatnıñ esas haberi

Ukraina TİN-niñ başı BMT-nda devletler Qırım boyuca birleşken bir fikirde olğanlarını qayd etti


Vadim Prıstayko
Vadim Prıstayko

Ukraina tış işler naziri Vadim Prıstayko, ilhaq etilgen Qırımda insan aqları qorçalavı aqqında rey berüvniñ neticeleri köstergen, halqara topluluqnıñ Qırım mevzusı boyunca birligini müim saya.

Böyle etip o BMT Baş Assambleyasınıñ dekabr 18-inde oturışını tefsir etti.

"Biz, bizge qoltutqan devletler öz pozitsiyasını köstere, dep ümüt etemiz. Er biri içün bu qolay şey degildir. Amma olar bu fikirge destek köstergenleri, Qırımğa ve bizge munasebetlerini köstere. Rey berüvniñ sadece raqamlarına köre, bu bizim içün daa emiyetlidir", - dedi Pristayko "Ukraina 24" telekanalına.

На заседании Генеральной Ассамблеи ООН приняли резолюцию о защите прав человека в Крыму.

BMT Baş Assambleyasınıñ oturışında Qırımda insan aqlarınıñ qorçalavı aqqında rezolütsiyanı qabul ettiler.

BMT-de Ukrainanıñ missiyası, rezolütsiyağa qarşı rey bergen memleketlerniñ cedvelini derc etti: Ermenistan, Belarus, Burundi, Kamboca, Qıtay, Kuba, Eretriya, Gvineya, İndiya, İran, Qazahistan, Qırğızistan, Myanma, Nikaragua, Filippinler, Rusiye, Sırbistan, Sudan, Süriye, Uganda, Venesuella ve Zimbabve.

Daa evel Ukraina Tış işler nazirligi, işğal etilgen Qırımda ukrain ve qırımtatarlarnıñ aqları «daima bozula», dep bildirdi. Müessise, «al-azırda Qırımda sahte qabaatlavlar boyunca eñ azından 35 qırımtatarı tutuldı», dep qayd etti.

Rusiye Tış işler naziri Sergey Lavrov, noyabrniñ 27-nde işğal etilgen Qırımda insan aqlarınıñ bozuluvına dair laflar uydurıla, dep bildirdi.

Gaagadaki BM halqara mahkemesi Rusiyege Kyiv Moskvanı Ukraina şarqında terrorizmni maliye etkeninde ve Qırımda ırq ayırım yapqanında qabaatlağan Ukraina davasına cevap olaraq vesiqa azırlaması içün 2020 senesi dekabrniñ 8-ne qadar vaqıt berdi.

Ukraina, 2017 senesi dava açtırdı. Kyiv, Rusiye Donbastaki aydutlarğa qoltutıp, Terrorizmni maliye etüv ile küreş şartnamesini ve, işğal etilgen Qırımda qırımtatarlarğa ve ukrainlerge basqı yapıp, ırq ayırımınıñ bütün şekillerini yoq etüv şartnamesini boza, dep ayta. 2019 senesi iyün ayında BM Halqara mahkemesi dava diñlevlerine başlağan edi.

Noyabrniñ 14-nde BM Baş assambleyasınıñ Üçünci komiteti Qırımda Rusiye işğali şaraitlerinde insan aqlarını qoruv qararını qabul etti.

Daa evel Birleşken milletler baş kâtip Antoniu Guterrişniñ işğal etilgen Qırımda bozulğan insan aqlarına dair birinci maruzasını aydınlattı. Maruzanıñ metni teşkilâtnıñ saytında derc etildi.

XS
SM
MD
LG