Link açıqlığı

Saatnıñ esas haberi

Mektep kitaphanelerinden qavğa çıqarğan tarih kitabı qaytarılıp alına - Çubarov


«Qırım tarihı» dersligi
«Qırım tarihı» dersligi

Qırım mektep kitaphanelerinden 10-uncı sınıf talebeleri içün “Qırım tarihi” rusiye dersligini qaytarıp alalar. Uquq qoruyıcılarnıñ aytqanına köre, kitapta “qırımtatar halqına nefret doğurğan” fikir-ibareler yazılğan. Bu aqta Qırımtatar Milliy Meclisiniñ reisi Refat Çubarov bildirdi.

“Qırımtatarlarğa qarşı Moskova ve Rusiyeniñ nevbetteki provokatsiyası darma-dağın etildi, bunıñ içün biz, birinciden, Vatanında ve Vatandan tış semetdeşlerimizge minnetdar olmaq kerekmiz”, - yazdı Çubarov öz Facebook saifesinde.

Daa evel Qırım uquq qoruyıcı gruppası, yaqında ilhaq etilgen Qırımnıñ mekteplerinde tarqatılğan 10-uncı sınıf talebeleri içün “Qırım tarihi” rusiye desliginde, “qırımtatar halqına nefret doğurğan” fikir-ibareler bar dep bildirdi.

Daa evel Qırımlı adliyeci, sanat ve tasil hadimleri, Qırımnıñ Rusiye tasil nazirligine muracaat etip, 10-uncı sınıflar içün S. V. Yürçenko muarririyetinde çıqqan «Qırım tarihı» dersligini mündericesinde qırımtatarlar aqqında bulunğan provokatsion ibareler sebebinden onı qullanuvdan çıqarmağa rica etti. Kitapta "tatar ealisiniñ ekseriyeti almanlarğa yahşı yanaşqan, bir çoqu faal sürette yardım etken edi" dep yazılğan.

Qırım Tasil nazirliginiñ vekilleri adiseni şimdilik izaatlamadı.

XS
SM
MD
LG