Link açıqlığı

Saatnıñ esas haberi

Adliyeci «Qırım tarihı» dersliginde qırımtatarlar aqqında provokatsion ibareler bulunğanı içün onı qullanuvdan çıqarmağa rica ete


«Qırım tarihı» dersligi
«Qırım tarihı» dersligi

Qırımlı adliyeci Lenura Yengulatova Qırımnıñ Rusiye tasil nazirligine muracaat etip, 10-uncı sınıflar içün S. V. Yürçenko muarririyetinde çıqqan «Qırım tarihı» dersligini mündericesinde qırımtatarlar aqqında bulunğan provokatsion ibareler sebebinden onı qullanuvdan çıqarmağa rica etti. Bu aqta adliyeci Facebookta yazdı.

Onıñ qayd etkenine köre, derslik milletlerara çatışmağa yol aça ve yarımadanıñ Tasil nazirligi tarafından tevsiye etilmemek kerek.

«Alman komandanlığı, Qırım ealisiniñ milliy erkânınıñ hususiyetlerine emiyet berip, işğalcilerni «qurtarıcı» dep sayğan ve «bazı şeer ve köylerde demetlernen qarşılağan, meyva ve şarapnen sıylağan qırımtatarlarnı işbirligine çekmek içün acele tedbir ala edi. Tatar ealisiniñ ekseriyeti almanlarğa yahşı yanaşqan, bir çoqu faal sürette yardım etken edi», – dep yaza derslik cümlelerini Yengulatova.

Adliyeci Qırım Tasil nazirligine muracaat etip, derslikni ekstremist edebiyatı olaraq tanımağa ve yarımadanıñ bütün umumtasil müessiseleriniñ oquv planlarından derslikni çıqarmağa rica etti.

Qırım Tasil nazirliginiñ vekilleri adiseni şimdilik izaatlamadı.

XS
SM
MD
LG