Link açıqlığı

Saatnıñ esas haberi

Ukraina Milliy bankı Qırım Tavriya milliy universiteti resminen moneta çıqardı


V. İ. Vernadskiy adına Tavriya milliy universiteti resminen yañı moneta
V. İ. Vernadskiy adına Tavriya milliy universiteti resminen yañı moneta

Ukraina Milliy bankı avgustnıñ 28, Qırım işğalinden soñ Kıyivge avuşqan V. İ. Vernadskiy adına Tavriya milliy universiteti resminen, yañı monetanı qullanıp başlacaq.

Avgustnıñ 27 Milliy banknıñ resmiy saytında haber etilgeni kibi, Vernadskiy adına Tavriya milliy universitetiniñ yüz yıllığı munasebetinen 2 grivnalı moneta 30 biñlik tirajında çıqacaq.

Kapikniñ ög tarafında Tavriya milliy universiteniñ logotipi yerleştirilgen. Onıñ eki yanında - universitetniñ temel qoyuv yılı (1918) ve kapikniñ darp etilgen yılı kösterilgen.

Art tarafında ise, 1918 senesi oktâbr 14 universitetniñ tantanalı açılışı keçirilgen yer - Aqmescit şeer teatri binasınıñ resmi ve Vladimir Vernadskiyniñ süreti yerleştirilgen.

Aprel ayında Ukraina Milliy bankı Qırımnıñ belli abideleri: Ayuv Dağ, Bağçasaraydaki Han Saray, Hersonesteki köşük resimlerinen moneta çıqarğan edi.

2015 senesiniñ başında Qırımnıñ rusiyeli akimiyeti Vernadskiy adına Tavriya milliy universitetini lâğı etti. Aynı yılı yarımadada «federal universitet» meydanğa ketirildi, onıñ terkibine bir qaç aliy oquv yurtu ve şu cümleden TMU, Georgiyevskiy adına Qırım devlet tibbiyet universiteti ve bir qaç diger ilmiy müessise kirsetildi. «Qırım federal universiteti»niñ strukturasına 13 umum tasil ve ilmiy muessise kire.

Vernadskiy adına TMU 2016 senesi Ukrainanıñ qıta qısmına köçti.Universitet esasında ilhaq etilgen Qırım talebeleri ve abituriyentlerniñ oquvğa kirmesi içün qısqartılğan programmalar çalışa.

XS
SM
MD
LG