Link açıqlığı

Saatnıñ esas haberi

Ukrainanıñ milliy bankı aprel 25-te Qırımda körülmege lâyıq yerlerniñ tasviri ile aqçanı dolaşuvğa kirsetti. Bu hususta Milliy banknıñ resmiy saytında aytıla.

Ayrıca, aqçanıñ yüzünde Qırımnı temsil etken komplzitsiya yerleştirilgen: Ayuvdağ, stilizatsiya şeklinde kösterilgen dalğalar zemininde – antik gemi, onıñ aşağısında – Bağçasaraydaki Han sarayı, knâz Volodımırnıñ vaftizi yapılğan Hersonesteki köşük, aşağıda bir yüzüm salqımı, amfora, qırımtatar ve antik aqçalar, dağ lavandasınıñ çiçekleri.

Aqçanıñ ters yüzünde Rustem Skibinniñ «Taril» eserindeki örneginiñ zemininde Ukrainanıñ stilizatsiya şeklinde kösterilgen haritası tasvir etile.

Milliy banknıñ bidirüvinde: «Hatıra aqçası, vilâyetler ve devletimizniñ territorial qurulışına bağışlanğan seriyanıñ bir qısmı olacaq», – denile.

Bunıñ arfesinde Ukrainanıñ milliy bankı, Arbiy deñiz quvetleriniñ meydanğa ketirilmesiniñ yüz yıllığına bağışlanğan hatıra aqçanı çıqardı.

XS
SM
MD
LG