Link açıqlığı

Saatnıñ esas haberi

Ukraina deñiz quvetleriniñ yıllığı munasebetinen UMB medalyon çıqarğan


Deñiz arbiy quvetlerniñ yüz yıllığı munasebetinen Ukraina Milliy Bankı hatıra monetasını çıqardı. Bunıñ aqqında UMB matbuat hızmeti haber ete.

Kapikniñ ög tarafında, muessiseniñ bildirgenine köre, Ukrainanıñ kiçik devlet tuğrası, Ukraina Deñiz arbiy quvetlerniñ XX asırnıñ başında qullanğan bayrağı ve dalğalar üstünde arbyi geminiñ çevre sızıqları yerleştirilgen. Ög tarafında vertikal tarzda «Ukraina» yazısı, darp etilgen yılı ve nominal – 10 grivna yazılğan.

Atr tarafında dalğa şekilleri üzerinde «100» yazısı yerleştirilgen. Bunen beraber sıfırlar içinde: yeller güli; 1918 ve 1920 yıllar yazısı ile lengerli «trizub» çızılğan. Resimniñ töpesinde ve aşasında UMB «Ukraina Deñiz arbiy quvetlerniñ yüz yıllığı» yazısını yerleştirgen.

Ukraina DAQ 1918 senesinıñ başında Merkeziy Rada tarafından tesis etilgen edi. O zaman bir sıra arbiy-deñiz qanunları, şu cümleden «Flot aqqında muvaqqat qanun» qabul etilgen edi. Soñra, 1918 senesi aprelniñ 29-nda, Qara deñiz flotunıñ komandanı Sablin, ukain bahriyelilernin isteklerini köz ögüne alıp, Aqyarda ve Qırımda yerleşken bütün gemilerni UNR flotı olaraq ilân etti ve ukrain bayrağını kötermege buyurğan edi.

XS
SM
MD
LG