Link açıqlığı

Saatnıñ esas haberi

Dört qırımtatarnı tintüvlerden soñ FSB-ge alıp kettiler - faaller


Qırımda tintüv, 2020 s. avgust 31
Qırımda tintüv, 2020 s. avgust 31

"Qırıkm birdemligi" birleşmesinde avgust 31-inde saba evlerinde tintüv yapılğan qırımtatarlarnıñ dörtü yaqalanğanı bildirile.

"Dörtüni de yaqaladılar ve Aqmescitteki FSB binasına alıp keteler", - dey faaller.

Avgust 31-inde saba FSB idaresine alınğan Seyitler rayonından faal Ayder Kadırovnıñ qadını, evde tintüv yapılmağanını haber etti, amma aqayınıñ ukrain paspirtını aldılar ve özüni Aqmescitke sorğuğa alıp kettiler.

Daa evel Seyitler rayonında "Qırım birdemligi"niñ jurnalisti, "Grani.ru" mühbiri Ayder Kadırovnıñ evi tintilgeni bildirile. Bundan ğayrı Seyitler Vaqıf (Razlivı) köyünde Seyitler soqağında tintüv yapılğanı haber etile edi. Onıñnen beraber İçki rayonında (İçki qasabası, Zolotovo soqağı) Enver Topçınıñ ve Sudaqta (Çalaş Smail soqağında) faal Ridvan Ümerovnıñ evi tintildi.

Rusiye quvetçileri bu vaziyetni açıq tefsir etmey.


XS
SM
MD
LG