Link açıqlığı

Saatnıñ esas haberi

Qırımda koronavirus içün kirişlerni dezinfektsiya yapıp başladılar - akimiyet


Rusiye nezaretindeki Qırım ükümetiniñ başı Yuriy Gotsanük, Qırım şeer ve rayonlarında çoqqatlı evlerde kirişlerniñ dezinfektsiyasını yapıp başlağanlarını tasdıqladı.

"Podyezdlerniñ ilâclamasını başladıq. Bu daa keçken afta buyurılğan edi, onıñ içün tezleştirmelimiz", - dedi o.

Bundan ğayrı Gotsanük, dezinfektsiyasını daa yapılmağan yerlerde sade püskürticilerni almağa teklif etti.

"Bir on dane alıñız. Kirişlerniñ dezinfektsiyasını tez ve keyfiyetli yaparsıñız. Aluşta bu yolnen ketti", - haber etti o.

Martnıñ 24-nde Rusiye kontrolindeki Qırım yolbaşçısı Sergey Aksenov Qırımda altı yañı koronavirus hastası qayd etildi, dep ilân etti. Daa evel Qırımnıñ Rusiye akimiyeti ilk COVID-19 hastası bar dep tasdıqladı.

Penkovskayanıñ bildirgenine köre, koronavirusnen hastalanğan qırımlı Qırım ve Herson vilâyetiniñ memuriy sıñırındaki Rusiye keçiş noqtasından keçkende Frenkistanğa barğanını gizledi.

Koronavirus yuqunçınıñ tarqaluvına yol bermemek içün işğal etilgen Qırım ve Aqyarda «yüksek seviyeli azırlıq» rejimi ilân etildi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG