Ukraina Yuqarı Radasınıñ İnsan aqları boyunca vekâletlisi Lüdmila Denisova Avromaydan faalcisi, qırım sakini Aleksandr Kostenkonıñ sağlıq alı aqqında aytıp berdi. Bunıñ içün o Facebook saifesinde yazdı.
“Şimdi Kostenkonen telefon laqırdım oldı. O pek boldurdı, laf etmek oña qıyın. Eli qırılğan dep ayta, oña yardım kerek. İşimiz içün teşekkür etti. O mıtlaq tibbiy baquvdan keçer ve oña bütün kerekli reabilitatsiya yapılır”, - qayd etti Denisova.
Evel, avgustnıñ 6-sına Ukraina Yuqarı Şurası reisiniñ birinci muavini İrina Geraşçenko, Kostenko rus-ukrain sıñırını keçkenini haber etti.
Avgustnıñ 3-ünde mahküm etilgen Avromaydan faalcisi, qırım sakini Aleksandr Kostenko apisten boşandı. Daa evel Ukrain yırcısı, “Eurovision-2004” yarışınıñ ğalibi, Ruslana oña mektüp yazğan edi.
Taqiqatnıñ bildirgeni kibi, 2014 senesi fevral 18 künü «kütleviy nizamsızlıq» devamında Kоstenko Kiyevde «Berkut» Qırım mahsus hızmetiniñ hadimine zarar ketirdi. Bundan ğayrı, quvetçilerniñ bildirgenine köre, faalciniñ evinde qanuniy razılığı olmağan tüfek tapılğan edi.
Kostenko qabaatını tanımadı. 2016 senesi fevralniñ soñunda Rusiye nezareti altındaki Qırım Yuqarı mahkemesi onıñ kassatsion şikâyetini baqıp çıqtı ve apis cezasını 3 yıl ve 6 ayğa avuştırdı.
