Qırımda maküm etilgen Yevromaydan iştirakçisi Aleksandr Kоstenkonıñ aqları qaba sürette bozula. Onıñ bulunuv yeri aqqında ne tuvğanları, ne imayesi bile. Bunı Qırım.Aqiqat Radiosı efirinde advokat Diana Plüta bildirdi.
Aytqanı kibi, Kоstenko SİZO iş vaqtı çerçivesinde uyğunlaştırılğan zamanda advokatı ve imayecisini körmege aqlıdır.
«Qırım territoriyasında işlemegen Rusiye qanuniyetine köre, maküm etilgenniñ qoruv aqqı bar, bu vaziyette Aleksandr Kоstenkonıñ qoruv aqqı bozulğan. Oña red etkenleri, aqlarınıñ, bütün halqara qaidelerge köre, qaba bozuluvıdır», – dey Diana Plüta.
Ukraina vatandaşı, qırımlı Aleksandr Kostenko Aqmescitniñ №1 SİZOsından ğayıp oldı. Oktâbr 1 kününden onıñ bulunuv yeri aqqında ne imayecisi olğan anası, ne advokatı bile. Resmiy olmağan malümatlarğa köre, Kоstenko Rusiye mahkemesiniñ ükmüni – 3 yıl ve 11 aylıq apis cezasını körmek içün avuştırılğandır.
Taqiqatnıñ bildirgeni kibi, 2014 senesi fevral 18 künü «kütleviy nizamsızlıq» devamında Kоstenko Kiyevde «Berkut» Qırım mahsus hızmetiniñ hadimine zarar ketirdi.
Kostenko qabaatını tanımay. Avdokatı Dmitriy Sotnikov Qırımnıñ Yuqarı mahkemesine kassatsion şikâyetini berdi.
