Link açıqlığı

Saatnıñ esas haberi

Ruslana mahküm etilgen qırımlı Avromaydan faalcisine mektüp yazdı (+video)


Александр Костенко на суде в Симферополе, 15 мая 2015 года
Александр Костенко на суде в Симферополе, 15 мая 2015 года

Ukrain yırcısı, “Eurovision-2004” yarışınıñ ğalibi, Ruslana mahküm etilgen Avromaydan faalcisi, qırım sakini Aleksandr Kostenkoğa mektüp yazdı. Erkek avgustnıñ 3-üne rusiye apisinden çıqmaq kerek.

“Seniñ dünyabaqışıñnı, noqta-i nazarıñnı bütünley añlağan ve alğışlağan qız yaza. Seniñ kibileri bizge küç bere: doğru yaşamaqnı devam etmek ve arzu etkenimiz güzel yaşayışnı ömürge keçirmek”, - yazdı Ruslana.

Onıñ sözlerine köre, Avromaydan künleri, o da “sıq-sıq telükelerge, havflı vaziyetlerge yaqın edi, amma iç bir kere telâşlanmadı, şübelenmedi ve toqtanmadı”.

Apis cezasına maküm etilgen Kostenko Rusiyeniñ Kirovo-Çepetsk şeerindeki umumiy rejim koloniyasında buluna.

Taqiqatnıñ bildirgeni kibi, 2014 senesi fevral 18 künü «kütleviy nizamsızlıq» devamında Kоstenko Kiyevde «Berkut» Qırım mahsus hızmetiniñ hadimine zarar ketirdi. Bundan ğayrı, quvetçilerniñ bildirgenine köre, faalciniñ evinde qanuniy razılığı olmağan tüfek tapılğan edi.

Kostenko qabaatını tanımadı. 2016 senesi fevralniñ soñunda Rusiye nezareti altındaki Qırım Yuqarı mahkemesi onıñ kassatsion şikâyetini baqıp çıqtı ve apis cezasını 3 yıl ve 6 ayğa avuştırdı.

XS
SM
MD
LG