Qıt bir hayal küçüni, şübhesiz, maqsadı Qırımda qırımtatar milliy areketiniñ liderlerinden biriniñ adını yamanlamaq ve qırımtatarlarnıñ aqları oğrunda küreşinde daima zorbalıqsız usullarnı qullanğan areketni qabaatlamaq olğan qanunsız areketlerini gizlemek içün apis qararımnıñ müellifleri qullanğan ep aynı ifadelerni oqup, öz printsiplerine zıt bir şekilde külmek.
«Qabaatımız» fikir saibi olıp, onı açıq ve halq ögünde bildirmek cesaretimizden ibarettir
Qırımnıñ tamır halqınıñ barışıq içinde yaşamaq ve tuvğan yurtunda inkişaf etmek ıntıluvlarına qoltutqan dünya toplulığını qırımtatarlarnıñ milliy idare organlarınıñ yüzlernen azası, faali zorbalıq areketlerine azır, dep qandırmaq.
Mence, bu ıntıluv hayırsızlıqqa mahküm.
Aqlımdan bile keçmegen areketlerni, gizli şaatlarnıñ yalan şaatlıqlarını uydurıp, qabaatlağan igrenç yalan, orta asırlıq bir cealetperestlikke açuvlanmaq. Muhalifleriniñ itiqatına belli bir seviyede doğru qarşılıq köstermegenine açuvlanmaq.
Ukraina topraq bütünligini qorup, insan aqlarını qorup ve repressiyalarğa qarşı çıqıp, Rusiyeniñ Qırımda yapqanlarına qarşı çıqqanda ne men, ne başqaları gizlemegen mesleklerimiz.
«Qabaatımız» fikir saibi olıp, onı açıq ve halq ögünde bildirmek cesaretimizden ibarettir.
Rusiye akimiyeti ile dialog qurmaq imkânsız, dep aytqan edi: Qırımda tutulğan Nariman Celâl nenen belli (fotoresimler)
Qırımda apiske alınğan qırımtatar faali, siyasetçi ve jurnalist Nariman Celâlnıñ beyanatını oktâbrniñ 13-nde advokat Nikolay Polozov Facebook saifesinde derc etti.
Anğara köyündeki «gaz borusında diversiya» davası
Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.
Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.
FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.
Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.
Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.
Nariman Celâl
Qırımlı jurnalist, qırımtatar milliy areketiniñ faali