Moskvadaki birinci istinaf mahkemesi Qırım sakini İvan Yatskinniñ tevqif müddetiniñ uzatılmasına qarşı berilgen istinaf şikâyetini red etti. Yatskin tahqiqat tevqifhanesinde 2021 senesi fevralnıñ 16-nace qalacaq. Bu aqta Qırım. Aqiqatqa advokat Nikolay Polozov haber etti.
O, qabaatlav tarafınıñ esas delili, “Yatskin tahqiqattan gizlene bilmesi” olğanını ayttı.
“Prokurornıñ aytqanına köre, müşterimniñ sıñırlama tedbirini, tahqiqattan konsullıqta gizlene bilmesi ya da şaatlarğa tesir ete bilmesi içün deñiştirmek mümkün degil. Şunıñ içün İvan Grigoryeviç SİZO-da qalacaq. Sağlığına kelgende, bağrı ağrısı devam ete, tibbiyet bölüginde ekinci rentgen resimini coydılar. Amma ne ise onı köz ekimi baqtı ve yañı közlük içün retsept yazıp berdi”, – aytıp berdi Polozov.
Moskvadaki birinci istinaf mahkemesi Qırım sakini İvan Yatskinniñ tevqif müddetiniñ uzatılmasına qarşı berilgen istinaf şikâyetini red etti.
Evel Moskva yeer mahkemesiniñ mahkemecisi Oleg Muzıçenko Qırım sakini İvan Yatskinniñ tevqif müddetini eki ayğa uzatqan edi.
Qırımnıñ Curçı rayonınıñ Aybar (Voykovo) köyüniñ sakini İvan Yatskin 2019 yılda oktâbr 16-sında tutuldı. Bu 2019 senesi dekabr ayında belli oldı.
Polozov, Yatskin apiske alınğan soñ Qırımdan Moskvağa çıqarıldı, dep bildirgen edi. Onıñ aytqanına köre, Rusiye quvetçileri qırımlığa «büyük maneviy basqı» yaptı.
Qırım.Aqiqatnıñ Ukraina telükesizlik hızmetine yollağan muracaat cevabında İvan Yatskin UTH ile işbirligi yapmadı, dep aytıla.
Rusiye FSBsi devlet hainliginde qabaatlanğan qırımlı İvan Yatskinniñ davası boyunca tahqiqatnı küzde bitirmege planlaştıra.
