Link açıqlığı

Saatnıñ esas haberi

Moskva mahkemesi Qırım sakini Yatskinkinniñ tevqif müddetiniñ uzatılmasına qarşı istinaf şikâyetini red etti – advokat


İvan Yatskin
İvan Yatskin

Moskvadaki birinci istinaf mahkemesi Qırım sakini İvan Yatskinniñ tevqif müddetiniñ uzatılmasına qarşı berilgen istinaf şikâyetini red etti. Yatskin tahqiqat tevqifhanesinde 2020 senesi dekabrniñ 16-nace qalacaq. Bu aqta Qırım. Aqiqatqa advokat Nikolay Polozov haber etti.


“Oturuş qapalı keçti. Açıq qısmında ukrain konsulı Sergiy Dereza bulundı. Yani İvan Grigoriyeviç tahqiqat tevqifhanesinde 2020 senesi dekabrniñ 16-nace qala. Sağlıq alına kelgende, bir qarar, ekim - tahqiqat tevqifhanesiniñ terapevti onı barıp baqar dep bekleymiz. Bir ay evel yıqılıp, köküs qafesini urğan edi”, - hatırlattı advokat.


Evel Moskva yeer mahkemesiniñ mahkemecisi Oleg Muzıçenko Qırım sakini İvan Yatskinniñ tevqif müddetini eki ayğa uzatqan edi.

Qırımnıñ Curçı rayonınıñ Aybar (Voykovo) köyüniñ sakini İvan Yatskin 2019 yılda oktâbr 16-sında tutuldı. Bu 2019 senesi dekabr ayında belli oldı.

Polozov, Yatskin apiske alınğan soñ Qırımdan Moskvağa çıqarıldı, dep bildirgen edi. Onıñ aytqanına köre, Rusiye quvetçileri qırımlığa «büyük maneviy basqı» yaptı.

Qırım.Aqiqatnıñ Ukraina telükesizlik hızmetine yollağan muracaat cevabında İvan Yatskin UTH ile işbirligi yapmadı, dep aytıla.

Rusiye FSBsi devlet hainliginde qabaatlanğan qırımlı İvan Yatskinniñ davası boyunca tahqiqatnı küzde bitirmege planlaştıra.

XS
SM
MD
LG