Moskova şeer mahkemesi, avgust 21-inde Rusiye zapt etken daa altı Ukraina deñizcisiniñ tevqif müddetini uzartı. Olarnıñ arasında: Yuriy Bezyazıçnıy, Yuriy Budzılo, Volodımır Lisovıy, Boğdan Nebılitsa, Yevğen Semidotskıy, Andriy Eyder. Bunı Facebookta advokat Nikolay Polozov haber etti.
Olar oktâbr soñuna qadar SİZOda tutulacaq.
"Keçken mahkeme oturışlarında kibi, oturış, prokurornıñ muracaatınen, qapalı şekilde keçirile edi. Lefortovo rayon mahkemesiniñ qararını deñişmelersiz qaldırdı", - yazdı Polozov.
Bundan evel avgust 21-inde yedi Ukraina deñizcisiniñ - Andriy Artemenko, Viktor Bespalçenko, Volodımır Varimez, Vladıslav Kostışın, Oleğ Melniçük, Vasıl Soroka ve Serğiy Çulibanıñ apis müddetini uzattı.
Moskva mahkemesi iyülniñ 17-nde zapt etilgen 24 ukrainalı deñizciniñ apis müddetini uzattı. Andrey Artemenko, Andrey Eyder ve Vasiliy Soroka oktâbrniñ 26-na qadar, qalğanlarnı 24-ne qadar nezaret altında qalacaq.
