Moskova şeer mahkemesi avgust 21-inde Rusiye zapt etken yedi Ukraina deñizcisiniñ - Andriy Artemenko, Viktor Bespalçenko, Volodımır Varimez, Vladıslav Kostışın, Oleğ Melniçük, Vasıl Soroka ve Serğiy Çulibanıñ apis müddetini uzattı. Bunı Facebookta advokat Nikolay Polozov haber etti.
Olar oktâbr soñuna qadar SİZOda tutulacaq.
"Lefortovo rayon mahkemesiniñ apis müddetiniñ uzatılması aqqında qararına imayeniñ apellâtsiya şikâyetiniñ baqıluvı boyunca mahkeme oturışı, prokurornıñ muracaatınen, qapalı şekilde keçirile edi. Moskova şeer mahkemesiniñ apellâtsiya instantsiyası, Lefortovo rayon mahkemesiniñ qararını deñişmelersiz qaldırdı", - yazdı Polozov.
Moskva mahkemesi iyülniñ 17-nde zapt etilgen 24 ukrainalı deñizciniñ apis müddetini uzattı. Andrey Artemenko, Andrey Eyder ve Vasiliy Soroka oktâbrniñ 26-na qadar, qalğanlarnı 24-ne qadar nezaret altında qalacaq.
