Aman-aman otuz meşur ukrainalı aq qorçalayıcı, faal, yazıcı, jurnalist ve memur aq qorçalayıcı teşkilâtlar tarafından Kremlniñ siyasiy mabüsi olaraq tanılğan qırımtatar milliy areketiniñ liderlerinden biri Nariman Celâlğa qoltutuv sözlerinen mektüp yazdı.
Qıymetli Nariman! Apishanede yazğan mektübiñizde bizge pek tesir etken sözler bar: «Siznen yazışuvımız yetmey». Sizge ve Qorantañızğa qoltutqanımıznı aytmağa isteymiz. Ukrainanıñ tamır halqı olğan metanetli qırımtatar halqınıñ aqlarını qoruv ğayretleriñiz içün Sizge minnetdarmız. Bir şeyge baqmadan, aqiqat yeñecek, qıyınlıq ve telükeler ise Sizni daa küçlü yapacaq. Ukrainanıñ Qırımı serbest olacaq.
Siziñ taqip etilüviñiz işğalciler tarafından qırımtatar halqına qarşı repressiyalarnıñ bir qısmı olğanını añlaymız. Zorbalıqsız küreşiñizde yalıñız olmağanıñıznı biliñiz.
Sizni azatlıqta bekleymiz – küçlü ve bükülmegen
Biz, dünyanıñ farqlı memleketlerinde insanlar kibi, Sizge açıq qoltutamız ve tezden azat etilüviñizni isteymiz. Sizni azatlıqta bekleymiz – küçlü ve bükülmegen. Böyle vaqıt kelecegini bilemiz. Ğayretleriñiz, barışıq küreş yoluñız bizge ve Ukrainada daa çoq insanğa memleketimizniñ demokratik deñişüvleri ve inkişafı içün ilham bere.
Dayanıñız, Sizge qoltutamız ve yardım etemiz. Körüşkence!
Tetâna Peçonçık, ZMINA İnsan aqları merkeziniñ yolbaşçısı
Yuliya Tışçenko, Ukraina mustaqil siyasiy tedqiqatlar merkeziniñ şura yolbaşçısı
Roman Kuybida, Siyasiy-uquqiy islâatlar merkeziniñ idare azası
İgor Burakovskiy, İqtisadiy tedqiqatlar ve siyasiy mesleatlar institutı idaresiniñ reisi
Yuliya Kiriçenko, Reanimatsion islâatlar paketi şurasınıñ reislerinden biri, Siyasiy-uquqiy islâatlar merkeziniñ idare azası
Larisa Denisenko, aq qorçalayıcı, yazıcı
Yevgeniy Bıstritskiy, felsefeci, UA Saylav şurası
Vadim Miskiy, «Detektor media» programma müdiri, Cemaat yayınlavı közetüv şurasınıñ azası
Valeriy Pekar, Kyiv-Moğıla biznes mektebiniñ ve Ukraina katolik universitetiniñ ocası
İgor Koliuşko, Siyasiy-uquqiy islâatlar merkeziniñ idare reisi, UA Saylav şurası
Oleksandra Matviyçuk, Vatandaş serbestlikleri merkeziniñ yolbaşçısı
Danılo Metelskıy, Kyiv devlet şeer memuriyetiniñ Kyiv halq sanatı ve medeniyetşınaslıq tedqiqatları merkeziniñ içtimaiy transforamtsiyalar ilmiy-tasil merkeziniñ yolbaşçısı
Yevgeniy Zaharov, Harkiv aq qorçalayıcı gruppasınıñ müdiri, Ukraina Helsinki İnsan aqları birliginiñ idare reisi
Petr Burkovskıy, İlko Kuçeriv «Demokratik teşebbüsler» fondunıñ talilcisi
Mıhaylo Ğonçar, «Strategiya XXI» globalistika merkeziniñ prezidenti, «Qara deñiz telükesizligi» mecmuasınıñ baş muarriri
Tamila Taşeva, Prezidentniñ Qırım Muhtar Cumhuriyetindeki daimiy vekiliniñ muavini
Oleksiy Ğaran, Kyiv-Moğıla akademiyasınıñ siyasetşınaslıq professorı
Mariya Zolkina, İlko Kuçeriv «Demokratik teşebbüsler» fondunıñ siyasiy talilcisi
Andrey Vişnevskiy, uquqçı, Transparency International Ukraine idare reisi
Natalya Ligaçeva, «Detektor media» yolbaşçısı
Dmitriy Tuzov, jurnalist, «Radio NV» alıp barıcısı
Serğiy Jadan, yazıcı
Volodımır Kıpen, «Donetsk içtimaiy tedqiqatlar ve siyasiy talil institutınıñ» yolbaşçısı
Oleksiy Koşel, Ukraina saylayıcıları komitetiniñ yolbaşçısı
Olga Ayvazovskaya, «OPORA» Vatandaş ağınıñ İdare yolbaşçısı
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Anğara köyündeki «gaz borusında diversiya» davası
Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.
Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.
FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.
Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.
Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.