İlhaq etilgen Qırımda martnıñ 17-sinden başlap sport, eglence ve başqa kütleviy tedbirlerni yasaqladılar. Bunı Facebookta Rusiye nezaretindeki Qırım baş naziri Yuriy Gotsanük.
Amma mektepler ve bala bağçaları işini devam etecek.
"Mektepler, bala bağçaları, tükânlar evelki kibi çalışacaq, amma, elbette ki, gigiyena ve sanitariyağa daa çoq diqqat etmek kerek", - yazdı Gotsanük.
Aynı vaqıtta Aqyarda koronavirus sebebinden martnıñ 19-ından başlap bütün mektepler qapala.
Martnıñ 16-sından başlap Aqmescitte Vernadskiy adına Qırım Federal Universitetinde COVID-19 koronavirusınıñ yayılması sebebinden distantsion oquş rejimi kirsetile.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
