Qırım Muhtar Cumhuriyeti ve Aqyar prokuraturası Rusiye quvetçileriniñ Kezlevde 57 yaşında Ali İbragimov ve 27 yaşında oğlu Mustafa İbragimovnıñ evinde keçirgen tintüvleri sebebinden cinaiy tahqiqat başlatıldı, dep bildirdi. Bu aqta müessiseniñ matbuat hızmeti haber ete.
«Uquq qoruyıcılar» Kezlev şeerinde qırımtatarlarnıñ evinde qanunsız tintüvler keçire. Muhtariyetniñ uquq nizamı organları Ukraina Ceza kodeksiniñ 162-nci maddesiniñ 1-inci qısmına istinaden (mesken tiyilmemezligini bozuv) cinaiy tahqiqat başlattı. Bundan ğayrı, qanunsız tutuvlar aqqında haber etilse, «quvetçilerniñ» areketlerine uquq ceetinden qıymet kesilecek», – dep aytıla haberde.
Bundan evel Ukraina ombudsmanı Lüdmila Denisova halqara toplulıqnı Rusiye quvetçileriniñ yapqanlarına cevap bermesine çağırdı.
Cumaaqşamı sabası faaller Kezlevde Rusiye quvetçileri 57 yaşında Ali İbragimov ve 27 yaşında oğlu Mustafa İbragimovnıñ evinde «tahqiqat tedbirlerini» keçire, dep bildirdi.
Rusiye quvet müessiseleri vaziyetni izaatlamay.
Cumaaqşamı sabası faaller Kezlevde Rusiye quvetçileri 57 yaşında Ali İbragimov ve 27 yaşında oğlu Mustafa İbragimovnıñ evinde «tahqiqat tedbirlerini» keçire, dep bildirdi.
Rusiye quvet müessiseleri vaziyetni izaatlamay. Evge kimse alınmay ve andan kimse çıqarılmay, dep ayta yerli faaller.
