Kezlevde Rusiye quvetçileri qırımtatarlarnıñ evinde «tahqiqat tedbirlerini» keçire, dep bildirdi «Qırım birdemligi» cemaat birleşmesiniñ faalleri Qırım.Aqiqatqa.
Olarnıñ malümatına köre, tintüv 57 yaşında Ali İbragimov ve 27 yaşında oğlu Mustafa İbragimovnıñ evinde keçirile. Diger tafsilâtlar şimdilik belli degil.
Rusiye quvet müessiseleri vaziyetni açıq şekilde izaatlamay. Qırım.Aqiqat olıp keçkenlerniñ tafsilâtlarını bilmege tırışa.
İyülniñ başında Qırımda FSB Üç taraflı bağ gruppası Ukraina eyyetiniñ yolbaşçı mesleatçısınıñ ana-babası yaşağan evni tintti, dep bildirilgen edi.
Qırımlı jurnalist ve faallerniñ evlerinde keçirilgen tintüvler
2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.
