Keriçniñ civarında Mayak köyü yanında yerli sakinler Ekinci Cian cenkinden qalğan 16 anarâdnı taptı, bunı Rusiye FVN-niñ Qırım idaresi haber ete.
O yerge kelge qurtarıcılar, tapılğan nesneler Luftwaffe quru quvetlerni mahv etmek içün qullanğan SD-16 alman aviatsiya patlatıcıları olğanını belgiledi.
"Patlayıcı nesneler çıqarıldı, mahsus poligonğa alıp ketilip, anda yoq etildi. Opertsiya bütün havfsızlıq qaidelerine uyıp keçirildi", - haber ettiler FVN-nde.
Qurtarıcılar, qırımlılar böyle telükeli nesnelerni tapsa, olar aqqında birden FVN-ne haber etmek kerekligini hatırlattı.
Keçken yıl küzde Qırımnıñ Yedi Quyu (Leninskiy) rayonında Ekinci Cian cenkinden qalğan 9 avia bombasını areketsiz alğa ketirdiler.
İyül 7-sinde 20 kilogrammlıq bombanı Körpe (Kalinovka) köyünde açıq meydançıqta taptılar.
Rusiye FVN-niñ Qırım idaresi, Qırımnıñ Yedi Quyu (Leninskiy) rayonında iyülniñ 7-sinde Ekinci Cian cenkinden qalğan avia bombasını areketsiz alğa ketirdiler, dep bildire müessiseniñ matbuat hızmeti.
20 kilogrammlıq bombanı Körpe (Kalinovka) köyünde açıq meydançıqta taptılar. Onı mahsus poligonğa alıp ketop, anda patlattılar.
Bundan evel Yedi Quyu (Leninskiy) rayonınıñ Bagerovo qasabasında Ekinci cian cenkinden qalğan 50 kilogrammlıq avia bombasını taptılar.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
