Link açıqlığı

Saatnıñ esas haberi

Şarqiy Qırımda Ekinci Cian cenkinden qalğan 50 kilogrammlıq bombanı areketsiz alga ketirdiler - qurtarıcılar


Nümüneviy süret
Nümüneviy süret

Yedi Quyu (Leninskiy) rayonınıñ Bagerovo qasabasında Ekinci cian cenkinden qalğan 50 kilogrammlıq avia bombasını taptılar, dep bildire Rusiye FVN-niñ Qırım idaresi.

"Bombanı muvafaqiyetnen köterip çıqardılar ve mahsus maşnağa yüklep, poligonğa alıp kettiler. Anda, bütün telükesizlik qaidelerine uyıp, onı patlattılar. Patlavdan soñ, patlayıcı cihazlarnıñ parçaları olmasın dep, yerni tekrar teşkerdiler", - denile beyanatta.

Mayıs ayında Keriçte bir bala bağçasınıñ memuriyeti azbarında Ekinci cian cenkinden qalğan bombanı tapqan edi. Qurtarıcılar bombanı poligonğa alıp ketip, anda patlattı.

Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.

XS
SM
MD
LG