Qırımnıñ Yedi Quyu (Leninskiy) rayonında Ekinci Cian cenkinden qalğan 9 avia bombasını areketsiz alğa ketirdiler, dep bildire Rusiye FVN-niñ Qırım idaresiniñ matbuat hızmeti.
"Hafvlı nesnelerniñ baqıluvından soñ, olar fugas avia bombaları olğanı malüm oldı, 10 kilogrammlıq - 7 dane ve 100 kilogramlıq - 2 dane. Avia bombalarını köterdiler, maşnağa yüklediler ve mahsus poligonğa alıp kettiler ve anda patlattılar", - denile beyanatta.
İyül 7-sinde 20 kilogrammlıq bombanı Körpe (Kalinovka) köyünde açıq meydançıqta taptılar.
Rusiye FVN-niñ Qırım idaresi, Qırımnıñ Yedi Quyu (Leninskiy) rayonında iyülniñ 7-sinde Ekinci Cian cenkinden qalğan avia bombasını areketsiz alğa ketirdiler, dep bildire müessiseniñ matbuat hızmeti.
20 kilogrammlıq bombanı Körpe (Kalinovka) köyünde açıq meydançıqta taptılar. Onı mahsus poligonğa alıp ketop, anda patlattılar.
Bundan evel Yedi Quyu (Leninskiy) rayonınıñ Bagerovo qasabasında Ekinci cian cenkinden qalğan 50 kilogrammlıq avia bombasını taptılar.
Mayıs ayında Keriçte bir bala bağçasınıñ memuriyeti azbarında Ekinci cian cenkinden qalğan bombanı tapqan edi. Qurtarıcılar bombanı poligonğa alıp ketip, anda patlattı.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
