Qırımda fevralniñ 3-ünde, neticesinde piyadeler öldürilgen eki yol qazası oldı, haber ete Rusiye FVN-niñ Qırım idaresiniñ matbuat hızmeti.
Müessise malümatına köre, bir maşna Aluşta civarında aqaynı urıp öldürdi. O piyadeler keçitinden yolnı keçe edi, Ekinci qaza Keriçte oldı, anda tükân yanında aydavcı esli qadınnı bastı.
"Olğan malümatqa köre, tahminen saat 15:00 Ford Transit maşnasınıñ aydavcısı Vokzalnoye Şosse soqağı yanında, artqa ketkende, areketniñ havfsızlığını teşkermeyip. 1927 senesi doğma qadınnı bastı. Piyade o yerde yaralardan elâk oldı", - denile beyanatta.
Daa evel İslâm Terek (Kirovskoye) rayonında fevralniñ 3-ünde aqşam "Tavrida" trassasında yengil maşna ve yük maşnası çatıştı. Üç adam yaralandı, olarnı hastahanege alıp kettiler.
Aqyar-Yalta trassasında Hmelnitskoye köyüniñ yanında yanvarniñ 14-ünde yol qazası oldı, onıñ neticesinde dört adam yaralandı.
Aqmescitte yanvarniñ 7-sinde "Ravon" maşnasınıñ aydavcısı, Davıdovka köyünden Kezlev şossesine taba ketkende, süratnı aştırıp, elektrika tayanğıçına uruldı.
