İslâm Terek (Kirovskoye) rayonında fevralniñ 3-ünde aqşam "Tavrida" trassasında yengil maşna ve yük maşnası çatıştı. Üç adam yaralandı, olarnı hastahanege alıp kettiler.
Bunı Rusiye İİN-niñ Qırım idaresiniñ matbuat hızmeti haber ete.
"İlk alınğan malümatqa köre, "KAMAZA 5490-55" maşnasınıñ aydavcısı, Aqmescitten Kefege taraf ketkende, telükesiz areket süratını saylamadı ve maşnanı idare etip olamayıp, qarşı yolaqqa çıqtı ve Kefege taba ketken "ZAZ TF798P" maşnasınen çatıştı", - aytıp berdiler politsiyada.
Müessise malümatına köre, qaza neticesinde "ZAZ TF798P" maşnasınıñ aydavcısı ve eki yolcusı yaralandı. Olarnı hastahanege yatqızdılar.
Müesssisede, yol qazasınen bağlı teşkerüv keçirilgenini haber ettiler.
Aqyar-Yalta trassasında Hmelnitskoye köyüniñ yanında yanvarniñ 14-ünde yol qazası oldı, onıñ neticesinde dört adam yaralandı.
Aqmescitte yanvarniñ 7-sinde "Ravon" maşnasınıñ aydavcısı, Davıdovka köyünden Kezlev şossesine taba ketkende, süratnı aştırıp, elektrika tayanğıçına uruldı.
