Keriçniñ rusiyeli memüriyetiniñ başı muavini Yevgeniy Adamenko istifağa ariza berdi. Bu aqta Keriç meseleleri boyunca köçme oturışta Sergey Aksönov bildirdi.
“Adamenko efendi ariza yazdı. Muşaverege bitkence, belki, daa bir kimse yazar”, - dedi Aksönov.
Qırımnıñ rusiyeli başı, keçken muşavereden soñ Keriç memuriyetine berilgen buyruqlarnıñ çoqusını becerilmedi, dep ayta.
Keçken yılnıñ soñundan Aksönov, “memuriy terror” çerçivesinde Qırım şeerlerinde köçme oturışlanı ötkere.
Fevralniñ 21-nde Keriçniñ Rusiye memuriyetiniñ toplaşuvında, Kreml kontrolindeki Qırım yolbaşçısı Sergey Aksönov Keriçniñ Rusiye memuriyetine çöplük çıqarılmasınen bağlı meseleni al etmege emir etti: 30 kün içinde çöplük içün yañı yerlerni tapıp, şeer içindeki eski soylarını qullanmamaq kerek. Em de o zaman Aksönov, Keriç mer muavini Dilâver Melgaziyevni vazifesinden boşatmağa emir etti.
Keçken yılnıñ soñundan berli Aksönov, Qırım şeerlerinde köçme oturışlarnı keçire. O Keriç, Yalta, Kefe, Aluşta, Ermeni Bazar şeerlerine barğan edi.
