Keçken afta devamında qurtarıcılar, dağ, yanğın ve yol qazalarından 31 adamnı qurtardı. Böyle neticelerni Rusiye FVN-niñ Qırım idaresi derc etti.
Qırım qurtarıcıları 17 kere yol qazaları aqibetlerini yoq etilüvine qoşuldı, acele tedbirler neticesinde 23 adam qurtarıldı.
“Bundan ğayrı 25 yanğın söndürildi, anda beş adam qurtarıldı. Yarımadanıñ dağ-orman mıntaqasıda eki qıdıruv-qurtaruv tedbiri keçirildi, neticede üç turistke yardım etildi. Suv obyektlerinde qazalar qayd etilmedi”, -dep bildirildi FVN-de.
FVN-de, evelki kibi, yañğınlarnıñ, yılnıñ başından yüz bergen büyük sayısına raatsızlanalar. Olarnıñ çoqusınıñ sebebi - yanğın havfsızlığı qaideleriniñ kütülmegeni.
Yanvar 12-sinde Şçölkino şeerinde doquz qatlı evniñ damında patlav ve yanğın yüz berdi. Dam tamiri vaqtında 2 gaz balonı patlağanı bilindi.
Yanvar 15-inde saba Aqmescit şeerniñ bazı çetlerinde, yol qazaları neticesinde soqaqlar tıqalıp qaldı.
