Yanvar 15-inde saba Aqmescit (Simferopol) şeerniñ bazı çetlerinde, yol qazaları neticesinde soqaqlar tıqalıp qaldı. Bu aqta Qırım matbuatı bildire ve şeer sakinleri içtimaiy ağlarda yaza.
“RİA Novosti Krım” bildirgenine köre, naqliyat toqtavlarınıñ merkezi - Sevastopolskaya soqağınıñ bir qısmı, bundan ğayrı Lenina bulvarı, Gagarina, Russkaya, Kozlova ve Balaklavskaya soqaqları.
Qırım matbuatı bildirgenine köre, tıqanıqlıq, Sevastopolskaya ve Krımskih partizan soqaqları çaprazında olıp keçken yol qazası sebebinden peyda oldı. Bir yengil maşnanıñ aydavcısı başqa maşnağa yol bermegen, neticede qaza yüz bergen. İlk alınğan malümatqa köre, zararlanğanlar yoq.
“VKontakte” içtimaiy ağındaki “Avtopartnör Krım” gruppasında sakinler bildirgeni kibi, daa bir yol qazası Çehova ve Krasnoarmeyskaya soqaqları çaprazında oldı. Bundan ğayrı, tıqanıqlıq Şmidta ve Kiyevskaya soqaqları çaprazında da yüz berdi.
Yol qazaları aqqında resmiy malümat şimdilik yoq.
