Qırım yarımadasınıñ ğarbındaki "Belbek" ve "Kaça" Rusiye uçaq alanlarınıñ yanında qara qış ayınıñ 20-nde saba patlavlar eşitildi, dep haber ete "Krımskiy vetr" telegram kanalı. Rusiye Mudafaa nazirligi Qırımğa eñ azından doquz dron ücüm etkenini bildirdi.
"Krımskiy veter" bildirgenine köre, yerli vaqıtqa köre, saat 5:53 civarında "Kaça" uçaq alanı yanında patlav oldı. Daa soñra, tahminen saat 6:00 "Belbek" uçaq alanından patlav aqqında haber keldi. Cenk şaraitinde bu malümatnı tasdıqlamaq qıyın.
Rusiye monitoring telegram kanallarında Qırım ve Aqyarda pilotsız uçqan cihazlarnıñ ücüm telükesi aqqında yazılğan edi. Rusiye Mudafaa nazirligine qara qış ayınıñ 20-nde saba Qırım üzerinde qara qış ayınıñ 19-nda saat 23:00-dan qara qış ayınıñ 20-nde saat 7:00-ge qadar vaqtında urulıp tüşürilgen doquz uçaq aqqında bildirdiler. Qaç dron tüşürilgenini nazirlik bildirmedi.
Ukrayin arbiyleri ücümni şimdilik izaatlamadı.
2022 senesi arman ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
