Link açıqlığı

Saatnıñ esas haberi

«Hizb ut-Tahrir davasınıñ» mabüsi Remzi Bekirov mahkeme oturışuvı vaqtında yaramadı – faaller


Aqmescitteki ekinci «Hizb ut-Tahrir davasınıñ» mabüsi Remzi Bekirov
Aqmescitteki ekinci «Hizb ut-Tahrir davasınıñ» mabüsi Remzi Bekirov

Aqmescitteki ekinci «Hizb ut-Tahrir davasınıñ» mabüsi Remzi Bekirov Rusiyeniñ Cenübiy okrugınıñ arbiy mahkemesi vaqtında yaramadı, dep haber ete «Qırım birdemligi» cemaat birleşmesi.

«Remzi sıcağı çıqtı ve alı yaramay dep, qayd etti. SİZOda, mahkemege ketmezden evel, sıcağını ölçegende sıcaqölçer 37,1 sıcağını kösterdi. Bekirov kene de izolâtordan oturışuvda iştirak etmesi içün çıqarıldı. Advokat Edem Semedlâyev müvekkiliniñ alı sebebinden esnasnı başqa künge qaldırmağa rica etti», – dep aytıla haberde.

Mahkemege acele yardım maşinası çağırıldı. 38,7 sıcağına baqmadan, mahkeme oturışuvnı devam etmege qarar berdi.

«Mahkeme acele yardım kösterilmesi içün acele yardım çağırmağa qarar çıqardı. Acele yardım feldşeri sıcağını baqıp, 38,7 olğanını ayttı. Ekimler ine uracaq edi, amma Remzi istemedi. Ekimler bu alda Bekirov esnasta iştirak ete bile, dep tüşüne. Qadı bir saatqa teneffüs ilân etti», – dep aytıla haberde.

Daa evel Vlasihadaki (Rusiye) İstinaf arbiy mahkemesi Cenübiy okrugınıñ arbiy mahkemesiniñ Aqmescitteki ekinci «Hizb ut-Tahrir davasınıñ» beş mabüsi – jurnalist Remzi Bekirov, aq qorçalayıcı Riza İzetov, faaller Farhod Bazarov, Raim Ayvazov, Şaban Umerovnıñ SİZOda tutuv olaraq saylanğan sıñırlav tedbiriniñ uzatılması qararını deñiştirmedi.

Mayısta Rostov-na-Donu Cenübiy okrugınıñ arbiy mahkemesi Aqmescitteki ekinci «Hizb ut-Tahrir davası» mabüsleriniñ apiste qaluv müddetini 2021 senesi sentâbrniñ 16-na qadar uzattı.

2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi. 2019 senesi martnıñ 27-nde ve 28-nde Aqmescitniñ rayon mahkemesi bütün tutulğanlarnı apiske aldı.

OSCE kütleviy haber vastalarınıñ serbestligi vekili Harlem Désir martnıñ 27-nde Qırımda keçirilgen kütleviy tintüvlerden soñ «Qırım birdemligi» faalleriniñ apiske alınuvını takbih etip, olarnıñ Rusiye SİZOsından acele azat etilüvine çağırğan edi.

Rusiye Tış işler nazirligi OSCE kütleviy haber vastalarınıñ serbestligi vekili Harlem Désirniñ apiske alınğan «Qırım birdemliginiñ» faallerini, Qırımdaki vatandaş jurnalistlerini azat etmek çağıruvları «şaşıra», dep bildirdi.

«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG