Link açıqlığı

Saatnıñ esas haberi

Bağçasaraydaki Rusiye mahkemesi bir kün evelsi tutulğan 15 faalniñ idariy cezasını belgiledi (yañartılğan)


,

Rusiye kontrolindeki Bağçasaray mahkemesi Qırımtatar Milliy Qurultayınıñ delegatı Edem Dudakovnıñ davası boyunca mahkemege kelgen faallerniñ idariy cezalarını belgiledi.

Ceppar Muzaffarov beş künge apiske alındı.

«Qırım birdemliginiñ» vatandaş jurnalisti Aziz Azizov, faaller Nariman Seytaliyev, Kâzim Useinov, Amethan Umerov, Reşat Seydametov yedi künge apiske alındı.

Arsen Umerov doquz künge apiske alındı. Eleonor İzmaylov, Seydamet Mustafayev ve Memet Lümanov 10 künge apiske alındı.

Zodiye Saliyeva, Gani Abdulganiyev, Riza Narudinov 12 biñ para cezasını aldı.

Reşat Yağyayev ve Arif Osmanov 10 biñ ruble para cezasını aldı.

Fevralniñ 18-nde Rusiye kontrolindeki Bağçasaray rayon mahkemesi Dudakovnı 10 künge idariy apiske aldı. Onı 2017 senesi içtimaiy ağlarda yazğan izaatı sebebinden milletlerara zıddiyet çıqarğanında qabaatladılar.

Tintüv aqqında Qırımtatar Milliy Meclisiniñ reisi Refat Çubarov bildirdi. Onıñ aytqanına köre, «Dudakov – Bağçasasaraydaki Han sarayınıñ rus işğalcileri tarafından yoq etilüvi aqqında qorqmayıp aytqanlardan biridir». Faallerniñ bildirgenine köre, tintüv Ekstremizm ile küreş merkeziniñ hadimleri tarafından keçirile, Dudakovnı ise kelgen advokatlarınen körüştirmeyler.

Edem Dudakov – qırımtatar faali, Qırımtatar Milliy Qurultayınıñ deleşatı ve Milletlerara munasebetler işleri komitetiniñ sabıq reisi. Qırım Rusiye tarafından işğal etilgen soñ, Dudakov «Han sarayınıñ imayecisi» oldı. Faallerniñ aytqanına köre, Rusiye keçirgen «restavratsiya» neticesinde binanıñ autentik elementleri yoq ola, binalarnıñ özü bozula.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG