Link açıqlığı

Saatnıñ esas haberi

Çubarov Qırımda Qırımtatar Milliy Qurultayı delegatınıñ evinde tintüv keçirile, dep bildirdi


Refat Çubarov
Refat Çubarov

Qırımtatar Milliy Meclisiniñ reisi Refat Çubarov işğal etilgen Qırımda Qırımtatar Milliy Qurultayınıñ delegatı, Qurultaynıñ Teftiş komissiya azası Edem Dudakovnıñ evinde tintüv keçirile, dep bildirdi.

«Edem Dudakov – Bağçasasaraydaki Han sarayınıñ – qırımtatar mimarcılığınıñ incisi, dünya seviyesinde emiyetli olğan tarih ve medeniyet abidesiniñ rus işğalcileri tarafından yoq etilüvi aqqında qorqmayıp aytqanlardan biridir», – dep qayd etti Çubarov.

Rusiye işğalcileri Qırımda bu malümatnı izaatlamay.

Fevralniñ 8-nde «Medeniyet saasındaki müessiselerge hızmet etüv ve inkişaf müdirligi» Rusiye devlet müessisesiniñ reberi İlya Alımçev Bağçasaraydaki Han sarayı binalarından biriniñ divarında «restavratsiya» vaqtında büyük çatlaq oldı, dep bildirdi.

Ukraina ombudsmanı Lüdmila Denisova Bağçasaraydaki Han sarayınıñ «restavratsiyası» vaqtında binalardan biriniñ zarar körmesini» «gumanitar uquq bozuluvı» dep adlandırdı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG