Tel Avivde "Eurovision-2019" yır yarışınıñ ekinci yarıfinalı yekünlendi. Rey berüvniñ neticesinde finalğa Şimaliy Makedoniya, Felemenk, Arnavutlıq, İsveçiya, Rusiye, Azerbaycan, Daniya, Norvegiya, İsveçre ve Maltadan iştirakçiler keçti.
Birinci yarıfinal mayıs 14-ünde keçti. Onıñ neticesinde finalğa Avstraliya, İslandiya, Yunanistan, Belarus, Sırbistan, Qıbrız, Estoniya, Çehiya, San-Marino ve Sloveniyadan icracılar keçti. Konkurs finalı mayısnıñ 18-inde olacaq.
Fevralniñ 23-nde «Eurovision-2019» ukrain milliy saylavında yırcı Maruv ğalebe qazandı. Maruv Rusiyede çıqışta bulunğanını aytqan edi. Daa soñra MARUV «Eurovisionğa» barmaycağı aqqında belli oldı. O, Ukraina milliy devlet teleradiokompaniyası ile añlaşıp olamadı.
Daa soñra Freedom-jazz, Kazka ve Brunettes Shoot Blondes taqımları yarışta iştirak etmekten vazgeçti.
Ukraina bu yıl «Eurovision-2019» yır yarışında iştirak etmey.
