Tel Avivde “Eurovision-2019”nıñ birinci yarıfinalınıñ ğalipleri belli oldı.
Yarış matbuat hızmeti bildirgeni kibi, finalğa böyle iştirakçiler keçti: Yunanistandan Katerina Duska, Sırbıstandan Nevena Bojoviç, Belarus yırcısı ZENA, estoniyalı Viktor Kron, Qıbrız vekili Tamta, Çehiya taqımı Lake Malawi, Avstraliyadan opera yırcısı Kate Miller-Heidke, İslandiya taqımı Hatari, San-Marino vekili Serhat ve Sloveniyadan Zala Kral ve Gaşper Şantl dueti.
“Evrovision-2019”nıñ ekinci yarıfinalı mayısnıñ 16-sında, finalı ise mayıs 18-inde olacaq. Yır konkursınıñ açılışı bazar künü yapıdı.
Ukraina bu yıl «Eurovision-2019» yır yarışında iştirak etmey.
Fevralniñ 23-nde «Eurovision-2019» ukrain milliy saylavında yırcı Maruv ğalebe qazandı. Maruv Rusiyede çıqışta bulunğanını aytqan edi. Daa soñra MARUV «Eurovisionğa» barmaycağı aqqında belli oldı. O, Ukraina milliy devlet teleradiokompaniyası ile añlaşıp olamadı.
Daa soñra Freedom-jazz, Kazka ve Brunettes Shoot Blondes taqımları yarışta iştirak etmekten vazgeçti.
