Bazar künü saba zapt etilgen ukrain arbiy gemiler olğan Keriç arbiy bölügine yol qapalı edi, anda Rusiye polisi ve arbiy kiyimsiz adamlar nevbetçilik yapa edi.
Anda olğan adamlar aytqanı kibi, quvetçiler, ukrain gemilerniñ Keriç boğazına çıqarılmasını süretke çekkenlerge sualler bere edi.
Keriç, 2019 senesi, noyabr 17
Мarine Тraffichalqara gemi közetüvi bazasınıñ malümatına köre, "Sapfir", "Titan" ve "Ğaydamaka" ukrain buksirleri Qara deñizde Qırım yalısı yanında buluna, belki de, Rusiye zapt etken gemilerni alıp, olarnı limanğa çekmek içün. Saat 10:00 Ukraina gemileri Foros qarşısında edi.
Keççe "Sapfir", "Titan" ve "Ğaydamaka" Keriç boğazına yaqınlaştı, saat 13:40 olar Alupkanı keçip ketti.
Bazar künü noyabr 17-sinde Keriçte "Genmol" limanınıda tutulğan "Berdânsk" ve "Nikopol" zapt etilgen ukrain katerlerni yollamaqqa azırlap başladılar. Qırım.Aqiqat mühbiri bildirgeni kibi, iskelede bayağı halq bar edi - portaqal tüslü yeleklerni kiygen adamlar yalıda ve ukrain katerinde edi.
Keriçniñ "Genmol"ında "Berdânsk" ve "Nikopol" gemileri, 2019 senesi, noyabr 17
Noyabr 17-sinde advokat Nikolay Polozov, Rusiye, Ukrainanıñ arbiy gemilerini yibergen soñ, "mayıs emriniñ eki maddesini becergeni aqqında BMT-na esabat bere bilir", dep Facebook saifesinde yazdı.
Nikolay Polozov
Rusiyede bu vaqianıñ tabiiy ve mantıqlı yekünlevi olaraq, deñizcilerge qarşı cinaiy davanıñ qapatılması olmalı
Nikolay Polozov
Polozov hatırlattı ki, 2019 senesi mayıs 25-inde BMT-nıñ Deñiz aq-uquqı boyunca Halqara askeriy makemesi, Ukrainağa "Nikopol" ve "Berdânsk" arbiy katerlerini, "Yañı Qapu" buksirini ve bu gemilerniñ ekipajınıñ 24 azasını qaytarmasını emir etti.
"Zapt etilgen deñizciler ve gemiler Ukrainağa qaytarılğan soñ, Rusiyede bu vaqianıñ tabiiy ve mantıqlı yekünlevi olaraq, deñizcilerge qarşı cinaiy davanıñ qapatılması olmalı", - dep haber etti Polozov.
Daa evel Ukraina prezidenti Volodımır Zelenskıynıñ yardımcısı Andriy Yermak, 2018 senesi noyabrde Rusiye silâ yardımınen zapt etkenUkraina Arbiy Deñiz Quvetleriniñ üç gemisiniñ Ukrainağa qaytarılmasınıñ soñki basamağı aqqında aytıp berdi.
Bıltır noyabrde zapt etilgen gemilerniñ qaytarılması soñki basamağına keldi
В сопровождении российских кораблей украинские суда проследовали через Керченский пролив в сторону Черного моря. Как это было, смотрите в фотогалерее Крым.Реалии.
Niyabr 16-sında "Kommersant" Rusiye matbuatı, onın malümatına köre, Rusiye, dekabr 9-ında keçecek "Normand formatı"nda sammitkece zapt etilgen gemilerniñ meselesini çezmege istey, dep haber etti.
Gemilerni silâlarınen, amma arbiy yedeklersiz qaytarırlar
"Kommersant"
"Gemilerni, dey "Kommersant"nıñ mebaaları, silâlarınen, amma arbiy yedeklersiz qaytarırlar. Olarda tutuluvdan soñ qalğan ukrain askerlernin şahsiy silâsı, bundan ğayrı ratsiya ve vesiqalar, Rusiyede qalacaq. Bularnıñ episi, Rusiyede vaqiadan soñ açılğan cinaiy davada delil kibi qullanılacaq", - dep yazdı Rusiye matbuatı.
Rusiye Tış İşler Nazirliginde ise, Ukrainağa gemilerniñ qaytarılmasınıñ sammitnen alâqası yoq, dep "İnterfaks" haber agentligine bildirdiler.
"Krıminform" matbuatı, küç organlarındaki menbaasına atıf etip, "Berdânsk" ve"Nikopol" arbiy katerleri ve "Yañı Qapu" buksiri Ukrainağa neytral suvlarda berilecek, dep haber etti.
Daa keççe Qırımda Rusiye FSB-siniñ sıñır idaresiniñ matbuat hızmetine atıf etip TASS haber agentligi, zapt etilgen gemilerni noyabr 18-inde berecekler, dep yazdı.
Ukraina müessiseleri, noyabr 17-sinde olğan vaqialar aqqında daa resmiy beyanat yapmadı.
