Rusiyeniñ nezaretinde olğan Ermeni Bazar şeer mahkemesinde, mudafaa tarafı Qırımda ğıyabiy mahkemelengen Qırımtatar Milliy lideri Mustafa Cemilevniñ davası boyunca daa eki şaatnı sorğuğa çekti. Bunı Qırım.Aqiqat mühbiri haber ete.
2014 senesi mayısnıñ 3-nde Ermeni Bazar şeerinde bulunğan Eldar Menseitov ve Refat Abibullayev sorğuğa çekilgen.
«Şaat Refat Abibullayev (Cemilevniñ – QA) devlet sıñırındaki şu bölgesinde olmasınıñ açıq alâmetlerini körmegnini ayttı, bundan ğayrı Mustafa Cemilevniñ Ermeni Bazar şeerine doğru ketmeycegini söylegenini ve Cemilev çadır ve vagonçıqlardan daa ileri ketmegenini de ayttı. Bundan ğayrı şaat 2014 senesi aprelniñ 24-nde ukrain tilinde ve ukrain müürinen emek veteranı şeadetnamesini de kösterdi. Yani, referendumdan bir ay soñra ukrain tilinde berilgen vesiqanı», – aytıp berdi advokat Nikolay Polozov.
Nevbetteki mahkeme oturışı avgustnıñ 5-ne planlaştırılğan.
İyünniñ 10-nda Ermeni Bazar şeer mahkemesiniñ qırımtatarlarnıñ milliy lideri Mustafa Cemilevniñ davası boyunca oturışuvında imaye daa eki şaatnı sorğuğa çekti – qırımtatar faali Kurtseit Abdullayev ve Ediye Cemilevanı
Aprelniñ 30-nda Ermeni Bazar mahkemesi imaye şaatlarını sorğuğa çekip başladı. Rusiye FSBsiniñ baş idaresi, tahqiqat idaresine Ermeni Bazarda ğıyabiy şekilde mahkeme etilgen qırımtatarlarnıñ milliy lideri Mustafa Cemilevniñ davası boyunca Ukraina uquq qoruyıcılarına muracaat etmesini yasaqladı. Ermeni Bazar mahkemesi imayeniñ talabınen FSB hadimini davet etmege razı oldı.
Qırımdaki Rusiye Tahqiqat komitetiniñ idaresi 2020 senesi aprelniñ 13-nde Mustafa Cemilevniñ qabaatlavını Rusiye Ceza kodeksiniñ üç maddesine istinaden aydınlattı: «Rusiyege kirişi yasaqlanğan çetel vatandaşınıñ bir gruppa insanlarnen evelden añlaşıp, Rusiye devlet sıñırını keçüv (Rusiye CK 322-nci maddesiniñ 3-ünci qısmı); nariye silâsını diqqatsız saqlav, onıñ başqa insan tarafından qullanılması ve ağır aqibetlerge yol açması (Rusiye CK 224-ünci maddesi); silânı qanunsız alıp saqlav (Rusiye CK 222-nci maddesiniñ 1-inci qısmı)».
Cemilevniñ «yarıp keçüvi». Yedi yıl evelsi qırımtatarlarnıñ lideri vatanına qaytmağa tırışqan edi (fotoresimler)
Qırımtatar halqınıñ milliy lideri Mustafa Cemilevniñ davası boyunca martnıñ 5-nde olıp keçken mahkeme oturışuvında imaye tarafı dava malümatlarında bozuvlarnı qayd etti. Advokat Nikolay Polozovnıñ bildirgenine köre, bozuvlar tahqiqatçı azırlağan malümatnen bağlı edi. Mahkeme oturışuvında belli olğanına köre,
Mustafa Cemilev
Mustafa Cemilev – qırımtatar milliy areketiniñ lideri, dissident, Qırımtatar Milliy Meclisiniñ reisi (1991 senesinden 2013 senesine qadar). Repressiyalarğa oğratılğan edi, 15 yıl sovet apishanelerinde yattı. 303 kün devamında Omsk apishanesinde açlıq tuttı. Rusiye akademiki, dissident Andrey Saharov Cemilevge qol tutıp, BM baş kâtibine mektüp yazdı.
Mustafa Cemilev 1991 senesi Qırımğa qaytıp oldı.
III-IX çağırılış Ukraina Yuqarı Radasınıñ halq deputatı ola.
Cemilev – Türkiyedeki Selçuk universitetiniñ uquq fahriy doktorı, «Ukrain cemiyetiniñ demokratizatsiyası içün» Orlık halqara mukâfatınıñ laureatı ola. Nansen medali (BM), V ve IV seviyeli Yaroslav Mudrıy knâziniñ nişanınen taqdirlengen edi.
2014 senesi Rusiyeniñ Qırım işğaline qarşı çıqtı. Rusiye oña qarşı bir qaç cinaiy dava açtı. 2016 senesi Cemilevniñ namzeti Saharov mukâfatına kösterildi.
